ჯანდაცვის მინისტრის მოადგილე, თამარ გაბუნია ამბობს, რომ ის შედეგი, რაც საქართველოს ეპიდსიტუაციის მხრივ აქვს, ვირუსის გავრცელების ბუნებრივ ტენდენციებსა და გარანტირებულ კლებას არაფრით არ ასახავს.

მისი თქმით, შემაკავებელმა ღონისძიებებმ ვირუსის გადაცემის ჯაჭვი გაწყვეტის საშუალება მისცათ.

"საინტერესო ტენდენცია არის ის, რომ ვირუსის გავრცელების პროცესში, როდესაც რაიმე ჩარევა ხდება, ეს შედეგს გვაძლევს ორი კვირის ვადაში. ამდენად, ჩვენ ახლა ძალიან ფრთხილად უნდა გავაგრძელოთ წინსვლა, შემზღუდავი ღონისძიებების მოხსნასთან ერთად, იმისთვის, რომ შენარჩუნდეს ეს დინამიკა. რა თქმა უნდა, არ უნდა დაგვავიწყდეს, რომ რაც მივიღეთ, არის პრევენციული და შემაკავებელი ღონისძიებების შედეგი. ამდენად, ეს ვირუსის გავრცელების ბუნებრივ ტენდენციებსა და გარანტირებულ კლებას არაფრით არ ასახავს. ამდენად, კვლავაც გვმართებს მაქსიმალური მობილიზება იმისთვის, რომ ეს შედეგ შევინარჩუნოთ" — განაცხადა გაბუნიამ საზოგადოებრივი მაუწყებლის ეთერში.