დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველი საუნივერსიტეტო კლინიკის დირექტორის, ლევან რატიანის თქმით, მათ კლინიკაში 2 ახალ შემთხვევაზე პირველადი სწრაფი ტესტებით დადებითი პასუხი აქვთ და ახლა ლუგარიდან პასუხს ელოდებიან.

მისი ინფორმაციით, ამ ეტაპზე კლინიკაში 78 პაციენტი ჰყავვთ, საიდანაც 58 დადასტურებული შემთხვევაა

"1 გამოჯანმრთელებული ეწერება. დაახლოებით, 11 პასუხს ველოდებით განმეორებით ტესტირებაზე და დღის მეორე ნახევარში, ვნახოთ, რა შედეგს მივიღებთ. რეანიმაციაში მყოფ პაციენტებს, საუბარია 3 პაციენტზე, რომლებიც კორონადადებითი იყვნენ, ორჯერადად ჩატარებული კვლევის შედეგად, კორონავირუსი არ დაუდასტურდათ. 1 პაციენტი, რომელიც არის 46 წლის, ის აპარატიდან მოხსნილია და თერაპიულ განყოფილებაშია ჩაყვანილი, მისი მდგომარეობა ამ ეტაპზე სტაბილურია. დანარჩენ შემთხვევაში, არანაირი უარყოფითი ჩვენება არც ერთ პაციენტთან არ დასტურდება" — განაცხადა რატიანმა.

მისივე თქმით, კლინიკამ რაც კორონავირუსთან ბრძოლა დავიწყეთ, 154 დადასტურებული შემთხვევა მიიღო, აქედან 95 პაციენტი ჰყავთ გაწერილი და რეანიმაციაში კოვიდინფიცირებული არ ჰყავთ.

ბოლო 24 საათში კორონავირუსით ინფიცირებულთა რიცხვი 3-ით გაიზარდა და საერთოდ რაოდენობა 626 გახდა, ხოლო კორონავირუსისგან კიდევ 9 ადამიანი გამოჯანმრთელდა და სულ გამოჯანმრთელებულთა რიცხვმა 297-ს მიაღწია.

ამდროისთვის ქვეყანაში COVID-19-ის გამო 10 ადამიანი გარდაიცვალა. კარანტინის რეჟიმში რჩება 4 702 ადამიანი, ხოლო სტაციონარში მეთვალყურეობის ქვეშ — 459.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: