საქართველოს მთავრობის ადმინისტრაციის უფროსის ნათია მეზვრიშვილის თქმით, კომენდანტის საათის გაუქმების შემთხვევაში, ხალხს ცდუნება ექნება, გადავიდნენ მეზობელთან, ესტუმრონ ახლობლებს, ნათესავებს, გაშალონ სუფრა და დრო გაატარონ. იგი აცხადებს, რომ ეს შეზღუდვა არის ბერკეტი ხალხში მობილობის შესამცირებლად. ნათია მეზვრიშვილის კომენტარს მთავრობის ადმინისტრაცია ავრცელებს:

"კომენდანტის საათის შემოღების მიზანი იყო სოციალური დისტანციის გაზრდა, კომუნიკაციის მაქსიმალურად თავიდან აცილება, რადგან იმ პირობებში, როდესაც ბარები, კაფეები, რესტორნები დახურულია, ასეთი ტიპის აქტივობები, როგორც წესი, ინაცვლებს ოჯახებში, სადაც სოციალური დისტანციის კონტროლი და შესაბამისი წესების დაცვა გაცილებით რთულია.

არავინ თქვას, რომ თუ დღეს კომენდანტის საათი მოიხსნება, ცდუნება არ ექნებათ, გადავიდნენ მეზობელთან, ესტუმრონ ახლობლებს, ნათესავებს, გაშალონ სუფრა და დრო გაატარონ. გარდა ამისა, ეს ე.წ ბირჟების და თავყრილობების პრევენციისთვის ძალიან მნიშნელოვანი მექანიზმია".