რიკი და მორტის ახალი ეპიზოდი არ გეყოთ? — კიდევ 3 ვიდეო, რომელიც შეგიძლიათ ნახოთ
![](http://phoebe.on.ge/2020/05/04/1588597890_5eb016134bf9c.jpg)
ფოტო: Adult Swim
გუშინ, 3 მაისს ერთ-ერთი ყველაზე ცნობილი და გახმაურებული ანიმაციური სერიალის Rick and Morty-ის მეოთხე სეზონის მეექვსე ეპიზოდის პრემიერა შედგა.
მართალია, ახალი სერიის ხილვას მაყურებლები თვეების განმავლობაში ელოდნენ, თუმცა დარჩენილი კიდევ ოთხი ეპიზოდის სანახავად ერთკვირიანი შუალედებით მოგვიწევს დალოდება.
მიუხედავად იმისა, რომ ახალი შთამბეჭდავი სიუჟეტით მეექვსე სერიამ მაყურებლების გული კიდევ ერთხელ მოიგო, მისი ქრონომეტრაჟი ტრადიციულად 23 წუთი იყო, შესაბამისად ერთგული ფანების ბედნიერება მალე დასრულდა და შემდეგი ეპიზოდის გამოსვლამდე ისევ უკუთვლა ხელახლა დავიწყეთ.
Adult Swim-მა სწორედ სასოწარკვეთილი გულშემატკივრების სანუგეშებლად მეექვსე ეპიზოდთან ერთად კიდევ რამდენიმე ახალი ვიდეო გამოაქვეყნა, რომელიც დანაკლისის შევსებაში ცოტათი მაინც დაგეხმარებათ.
პირველი ვიდეო Wendy’s-ის რეკლამაა: ამ ცნობილი რესტორნების ქსელის სარეკლამო რგოლში ვხედავთ, რომ Wendy's-ის საუზმის აუცილებელი კომპონენტები — ბეკონატორი, ფროსტი-ჩინო და ქათმის ბურგერი რიკის და მორტის თავს დაესხმებიან.
შეგახსენებთ, რომ რამდენიმე თვის წინ ჩვენთვის კარგად ნაცნობი გმირები Pringles-ის რეკლამაშიც გამოჩდნენ.
ამ საშობაო ვიდეოში კი ყველაზე არასაშობაო განწყობის მქონე ისტორია შეგიძლიათ იხილოთ: რიკის უცხოპლანეტელ მეგობარს ძალიან უნდა მასთან ერთად გაატაროს შობა, თუმცა რიკი ტრადიციულად ყოველგვარი სენტიმენტების გარეშე იშორებს მას თავიდან.
მესამე ვიდეოში კი ამ სიტკომის შემქმნელები ჯეფ ლავნესი და დენ ჰარმონი სწორედ სულ ცოტა ხნის წინ გამოსული მეექვსე ეპიზოდის შექმნის პროცესზე საუბრობენ.
ამის შემდეგ კი მხოლოდ ისღა დაგვრჩენია, რომ 10 მაისს — მეშვიდე ეპიზოდის პრემიერას დაველოდოთ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები