მართალია, Super Bowl-ის მოახლოებასთან ერთად არაერთი გულშემატკივარი მოუთმენლად ელოდება ამერიკული საფეხბურთო სეზონის გამარჯვებულის გამოვლენას, თუმცა ამავდროულად მაყურებლებელთა დიდი ნაწილი განსაკუთრებულად ელის სხვადასხვა კომპანიის უახლესი რეკლამის პრემიერას, რომელთა შექმნაზე მზადებას დიდი ხნით ადრე იწყებენ.

ამ მოვლენის ფარგლებში ერთ-ერთი პირველი, ვინც თავისი პროდუქციის კრეატიული სარეკლამო რგოლი გაავრცელა, მსოფლიოში ცნობილი ჩიფსების მწარმოებელი Pringles-ია. მის რეკლამაში არც მეტი არც ნაკლები ერთ-ერთი ყველაზე ცნობილი ანიმაციური გმირები — რიკი და მორტი აღმოჩდნენ.

Adult Swim-ის მიერ შექმნილი ეს სატელევიზიო შოუ ცნობილია თავისი აბსურდული სიუჟეტებითა და უჩვეულო იუმორით. ახალ სარეკლამო რგოლშიც მთავარი პერსონაჟები ჩვეულ ფორმაში არიან:

ვიდეორგოლი იმით იწყება, თუ როგორ უყურებენ რიკი და სამერი Pringles-ის რეკლამას ტელევიზორში, რა დროსაც მათთან მორტი მიდის და ჩიფსების შესახებ ასევე სარეკლამო სიტყვით გამოდის. სწორედ მაშინ აღმოაჩენს რიკი, რომ მორტი სინამდვილეში Pringles-ის პროდუქციის რობოტია, ის და სამერი კი ამავე კომპანიის რეკლამაში არიან გამომწყვდეულები.

მართალია, Rick and Morty-ის შემქმნელებმა თავიანთი შოუ კომერციული რეკლამისთის გამოიყენეს, თუმცა ეს მათთვის დამახასიათებელი იუმორითა და ირონიით გააკეთეს: იმასთან ერთად, რომ Pringles-ს რეალურ რეკლამას უკეთებენ, ამავდროულად თავად ეს ფაქტი კომიკურად აქციეს და მორტი ერთგვარ რობოტ-აგიტატორად გამოიყვანეს.