ქუთაისში ბავშვი, რომელსაც მანქანა დაეჯახა, საავადმყოფოში მიყვანამდე გარდაიცვალა. ინფორმაცია ამის შესახებ On.ge-ს ქუთაისის სასწრაფო დახმარების სამსახურში დაუდასტურეს. 12 წლამდე გოგოს მანქანა ველოსიპედით მოძრაობის დროს დაეჯახა.ქუთაისში, ნიკეას ქუჩაზე ველოსიპედით მოძრავ ბავშვს მანქანა დაეჯახა.

შინაგან საქმეთა სამინისტროში ამბობენ, რომ გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.

ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.