ჩრდილოეთ კორეის ლიდერი, კიმ ჩენ ინი 20 დღის შემდეგ პირველად გამოჩნდა. ამის შესახებ ინფორმაციას BBC ჩრდილოეთ კორეის სახელმწიფო მედიაზე დაყრდნობით ავრცელებს.

ჩრდილო კორეული მედიის ცნობით, კიმ ჩენ ინი ერთ-ერთი ქარხნის გახსნას დაესწრო და საზეიმო ლენტიც გაჭრა. ის ჩრდილოეთ კორეის რამდენიმე მაღალჩინოსანთან, მათ შორის თავის დასთან ერთად გამოჩნდა.

როგორც BBC წერს, კიმ ჩენ ინის გამოჩენის რამდენიმე ფოტო გავრცელდა, თუმცა ვიდეომასალა — არა.

ფოტო: AP

ფოტო: AP

ფოტო: AP

კიმ ჩენ ინი საჯაროდ 12 აპრილის შემდეგ არ გამოჩენილა. 15 აპრილს ბაბუამისის მან დაბადების დღის ღონისძიება გამოტოვა, რამაც მისი ჯანმრთელობის შესახებ კითხვები გააჩინა.

სხვადასხვა მედიასაშუალებები წერდნენ, რომ ჩრდილოეთ კორეის ლიდერი გულის ოპერაციის შემდეგ კრიტიკულად იყო. აღნიშნული ინფორმაცია სამხრეთ კორეაში უარყვეს. ზოგიერთი გამოცემა კი სხვადასხვა გამოცემა წყაროზე დაყრდნობით იუწყებოდა, რომ კიმ ჩენ ინი გარდაიცვალა.