დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის ხელმძღვანელის, ამირან გამყრელიძის თქმით, ამ ეტაპზე ჟურნალისტებს გაფართოებული ტესტირება არ შეეხებათ.

მისი თქმით, ჟურნალისტები არ არიან ისეთივე მაღალი რისკის ქვეშ, როგორც, მაგალითად, სამედიცინო პერსონალია.

"რაც შეეხება ჟურნალისტებს, თქვენ არ ხართ მაღალი რისკის, როგორიც ვართ, მაგალითად, მე, რომელსაც ინფიცირებულ ადამიანებთან ყოველდღიური კონტაქტი მაქვს. თქვენ ნაკლები რისკი გაქვთ, ვიდრე აქვთ ექიმებს, ექთნებს და სამედიცინო პერსონალს და სიმპტომებიან ადამიანს. მაგრამ თუ რომელიმე თქვენგანს რაღაც სიმპტომები გაუჩნდა, აუცილებელია, რომ მიმართოთ ცხელების კლინიკას ან პირველადი ჯანდაცვის ექიმს და დარეკოთ 112-ზე, გადაგამისამართებენ და თუ საჭიროა, ჩაგიტარდებათ ტესტირება. ამიტომ, რა თქმა უნდა, ჟურნალისტებიც გათვალისწინებული იქნებიან, მაგრამ უფრო მომდევნო ეტაპებზე", — განაცხადა გამყრელიძემ.

p>ამ დროის მონაცემებით, საქართველოში კორონავირუსის 539 დადასტურებული შემთხვევაა, მათ შორის გამოჯანმრთელებულია 178, ხოლო გარდაცვლილია 6 ადამიანი. კარანტინის რეჟიმში 5256 მოქალაქე იმყოფება, სტაციონარში მეთვალყურეობის ქვეშ კი — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: