დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის დირექტორის, ამირან გამყრელიძის თქმით, ქვეყანაში საგანგებო მდგომარეობის გამო მიღებული შეზღუდვების შემსუბუქებთ რეკომენდაციების იგნორირება არ უნდა მოხდეს. ამ თემაზე გამყრელიძემ ბრიფინგზე ისაუბრა.

"ის შემზღუდავი ღონისძიებები თანდათან მსუბუქდება, მაგრამ ეს არ ნიშნავს, რომ საზოგადოებრივი ჯანდაცვითი რეკომენდაციები, რასაც ჯანდაცვის სამინისტრო იძლევა, დაავადებათა კონტროლის ცენტრი იძლევა, მათი იგნორირება მოხდეს. ისევ და ისევ, მთავარი რეკომენდაცია — დარჩი სახლში, განსაკუთრებით ხანდაზმული ადამიანები, ქრონიკული დაავადებების მქონე ადამიანები, ხშირი ხელების დაბანა, სანიტაიზერებით დამუშავება, დისტანციის დაცვა, სოციალური დისტანცირება, ეს გახლავთ მთავარი", — თქვა ამირან გამყრელიძემ.

ამირან გამყრელიძემ ყველას მოუწოდა, რომ დაავადების სიმპტომების გამოჩენისთანავე მიმართონ ექიმებს.

საქართველოში კორონავრიუსის შემთხვევების რაოდენობა 539-მდე გაიზარდა. COVID-19-სგან გამოჯანმრთელდა 178 ადამიანი, ხოლო 6 გარდაიცვალა. კარანტინის რეჟიმში რჩება 5 256 პირი, სტაციონარში მეთვალყურეობის ქვეშ — 548.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: