ჯანდაცვის მსოფლიო ორგანიზაციის მიერ ახალი კორონავირუსის პანდემიად გამოცხადების შემდეგ ბევრი ჩვენი მოქალაქე იძულებული გახდა დარჩენილიყო ქვეყნის საზღვრებს გარეთ. სოციალური პასუხისმგებლობის ფარგლებში ყველა ის მოქალაქე, რომელიც ახალი კორონავირუსის გავრცელების გამო ვერ ახერხებს სამშობლოში დაბრუნებას და ამ ეტაპზე ვეღარ სარგებლობენ სამოგზაურო დაზღვევით ისარგებლებენ სადაზღვევო კომპანია ბენეფიტსის ერთთვიანი სადაზღვევო პოლისებით. აღნიშნული პოლისები მოქალაქეებს სრულიად უსასყიდლოდ გადაეცემა.

სამოგზაურო დაზღვევის პოლისი ითვალისწინებს ხელშეკრულებით განსაზღვრული სადაზღვევო პერიოდის მანძილზე, დადგენილი გეოგრაფიული არეალის ფარგლებში დამდგარი სადაზღვევო შემთხვევების დაფარვას.

"მიუხედავად ქვეყანაში შექმნილი ვითარებისა, შეგახსენებთ, რომ ბენეფიტსი კვლავ აგრძელებს დისტანციურად მომხმარებელთა შეუფერხებელ მომსახურებას. ამავდროულად მუდმივად ვცდილობთ ვიყოთ რთულ ვითარებაში ჩვენი მოქალაქეების გვერდით და სახელმწიფოსთან ერთად გარკვეული წვლილი შევიტანოთ აღნიშნული გამოწვევის დროულ დამარცხებაში. ჩვენთვის ისევე როგორც სახელმწიფოსთვის უპირველესი ღირებულებაა ჩვენი თანამოქალაქეების უსაფრთხოება და მათზე ზრუნვა. სწორედ ამიტომ საგარეო საქმეთა სამინისტროსთან ერთად მივიღეთ გადაწყვეტილება რომ კიდევ ერთი ნაბიჯი გადავდგათ ჩვენი მოქალაქეების დასახმარებლად", — აცხადებს ნინა კობახიძე.

აღნიშნული პოლისი ასევე ითვალისწინებს ნებისმიერი სამედიცინო ჩივილის დროს პირად ექიმთან ონლაინ კონსულტაციას. აღსანიშნავია რომ, სამედიცინო კონსულტაცია ასევე გულისხმობს დაავადებათა კონტროლის ცენტრის მიერ მსოფლიო ჯანდაცვის ორგანიზაციის გაიდლაინების მიხედვით შექმნილ COVID-19 ტრიაჟის ჩატარებას.

ერთობლივი ძალისხმევით და მაღალი სოციალური პასუხისმგებლობის გამოჩენით, გვჯერა რომ მალე დავძლევთ აღნიშნულ გამოწვევას და დავუბრუნდებით ჩვეული ცხოვრების რიტმს.

დეტალებზე დასაკავშირებლად შეგიძლიათ გამოიყენოთ ელფოსტა [email protected] ან დაუკავშირდეთ სადაზღვევო კომპანია ბენეფიტსის სამედიცინო ასისტანსს: 0322 500 001 +995 557 50 00 02, რომელიც იმუშავებს სტანდარტულ რეჟიმში 24/7.