მაშინ, როცა ადამიანების დიდი ნაწილი პანდემიის გამო თვითიზოლაციაშია, დარწმუნებით შეგვიძლია ვთქვათ, რომ Friends ის ერთ-ერთი ყველაზე პოპულარული სერიალია, რომელსაც მრავალმა ერთგულმა ფანმა ამ პერიოდში ხელახლა უყურა, კიდევ უფრო იღბლიანები კი პირველად ნახვის ბედნიერებით დატკბნენ.

ფოტო: Giphy

სწორედ ამიტომაც თამამად შეგვიძლია წარმოვიდგინოთ, თუ როგორი იქნებოდა ამ სიტკომის ერთი ეპიზოდი კარანტინში რომ გადაღებულიყო და ჩვენი საყვარელი მეგობრები თავიანთ ბინებში ჩვენსავით რომ გამოკეტილიყვნენ.

1. მონიკა იქნებოდა პირველი, ვინც უსაფრთხოების წესებისა და ჰიგიენის ნორმების დაცვის შესახებ ყველა რეკომენდაციას მკაცრად გაითვალისწინებდა

ფოტო: Giphy

2. ასევე ყველაზე უკეთ მომზადებული შეხვდებოდა პანდემიას და საჭიროების შემთხვევაში მეგობრებსაც კი მოამარაგებდა ტუალეტის ქაღალდით

ფოტო: NBC

3. ჯოუი კი ათას უსარგებლო ნივთს მოუყრიდა თავს: ვინ იცის, რაში გამომადგესო

ფოტო: Giphy

4. ჩენდლერი და ჯოუი მონიკას კერძებს მოამზადებინებდნენ. მონიკა თავიდან იწუწუნებდა, მაგრამ ბოლოს მაინც სიამოვნებით გაუმასპინძლდებოდა ყველას

ფოტო: Giphy

5. ჯოუი კარანტინის დაწყებიდან დაახლოებით ხუთ წუთში იკითხავდა, თუ როდის დასრულდებოდა პანდემია

ფოტო: Giphy

6. როსი ეცდებოდა ყველასთვის მეცნიერულად დაესაბუთებინა, თუ რატომ არ არის პანიკა საჭირო, მაგრამ ყველაფერი პირიქით გამოუვიდოდა

ფოტო: NBC

7. ფიბი აუხსნელი მიზეზების გამო კარანტინშიც რეიჩელთან და მონიკასთან იქნებოდა

ფოტო: Giphy

8. რეიჩელის ოჯახი ეცდებოდა, რომ ის კარანტინშიც სადმე უფრო მდიდრულ ადგილას წაეყვანათ

ფოტო: NBC

9. ფიბი კორონავირუსის შესახებ ახალ სიმღერას დაწერდა

ფოტო: NBC

10. ასევე ნიღბებს დაამზადებდა და სხვებს უსასყიდლოდ დაურიგებდა. ცოტა უცნაური ნიღბები კი იქნებოდა, მაგრამ სულ არაფერს აჯობებდა

ფოტო: NBC

11. ჯოუი და ჩენდლერი თავშესაქცევად რაღაც საშიშ თამაშს მოიფიქრებდნენ

ფოტო: NBC

12. როსს კი წარმოდგენა არ ექნებოდა, თუ როგორ გაეყვანა დრო

ფოტო: Giphy

13. Central Perk თანწასაღებ რეჟიმში იმუშავებდა, განთერი კი ამაოდ ეცდებოდა, რომ რეიჩელი კარანტინის მასთან ერთად გატარებაზე დაეთანხმებინა

ფოტო: Giphy

14. როსი და მონიკა ბავშვებივით იჩხუბებდნენ

ფოტო: Giphy

15. საბოლოოდ კი, როგორც ყოველთვის, კარანტინს მშვენივრად გადაიტანდნენ და იზოლაციაშიც კარგ დროს გაატარებდნენ

ფოტო: NBC