რადას სპიკერი, დმიტრი რაზუმკოვი დარწმუნებული არაა, რომ ვიცე-პრემიერის პოსტზე მიხეილ სააკაშვილის კანდიდატურას მხარს დაუჭერს. მისივე თქმით, პარტიაში ხალხის მსახური საკმარისი ხალხია, რომელსაც სისტემის ცვლილება და მთავრობის დახმარება სურს.

"დღევანდელი მდგომარეობით, არ ვარ დარწმუნებული, რომ მთავრობის მიერ განხილულ საკადრო დანიშვნებს მთლიანად გავიზიარებ ან მხარს მხარს დავუჭერ", — განუცხადა რაზუმკოვმა გამოცემა RBC-ს.

რადას სპიკერის თქმით, მიხეილ სააკაშვილთან დაკავშირებით პარტიის შიგნით მოსაზრებები გაიყო და ძალთა თანაფარდობა პარლამენტის რიგგარეშე სხდომისთვის უფრო ცნობილი იქნება.

სააკაშვილის ვიცე-პრემიერად დანიშვნის საკითხი, შესაძლოა, საქართველოსა და უკრაინას შორის დიპლომატიური ურთიერთობის გაუარესების მიზეზი გახდეს. ქართული ოცნების წარმომადგენლები პრეზიდენტ ვოლოდიმირ ზელენსკის გადაწყვეტილებას კატეგორიულად მიუღებელს უწოდებენ.

პეტრო პოროშენკოს დროს მიხეილ სააკაშვილი ოდესის გუბერნატორის პოსტს იკავებდა. თუმცა, მას შემდეგ, რაც სააკაშვილმა კორუფციაზე საუბარი დაიწყო, თანამდებობა დატოვა და ოპოზიციაში გადავიდა, პოროშენკოს განკარგულებით მოქალაქეობა ჩამოართვეს და მის წინააღმდეგ სისხლისსამართლებრივი დევნა დაიწყეს. პოროშენკოს ბრძანებით ის რეადმისიით პოლონეთში დააბრუნეს.

საპრეზიდენტო არჩევნებში გამარჯვების შემდეგ ვოლოდიმირ ზელენსკიმ სააკაშვილს მოქალაქეობა დაუბრუნა, რის შემდეგ ოდესის ყოფილი გუბერნატორი ქვეყანაში დაბრუნდა. რამდენიმე დღის წინ კი ცნობილი გახდა, რომ ზელენსკიმ რეფორმების საკითხებში მას ვიცე-პრემიერის პოსტი შესთავაზა.

ამავე თემაზე: