დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს სამედიცინო დირექტორის, მარინა ეზუგბაიას თქმით, ქვეყანაში კორონავირუსის გავრცელების სტატისტიკა აბსოლუტურად სწორია. მისთვის გაუგებარია, რატომ უჩნდება ჟურნალისტების ნაწილს ამ თემასთან დაკავშირებით ეჭვები.

ეზუგბაიას განმარტებით, ქვეყანამ შეკავების პერიოდი შესაშური მონაცემებით დაასრულა, შიდა გავრცელების პერიოდი კი კონტროლირებადი და ზომიერი მატებით გრძელდება.

"ეს სტატისტიკური მონაცემები არის აბსოლუტურად ჭეშმარიტი და სწორი. რატომ უჩნდებათ კითხვები ტელეჟურნალისტების რაღაც ნაწილ სივრცეს, რომ ეს არ არის სწორი მონაცემები, ეს არის დამალული მონაცემები, არ ვიცი. ასე მგონია, თითქოს სურვილი აქვთ, მართლა მეტი იყოს. შთაბეჭდილება იქმნება ამის, თორემ სინამდვილეში, არსებული მონაცემები არის აბსოლუტურად ჭეშმარიტი და სწორი, ეს სტატისტიკა არის ჩვენი ქვეყნის გამარჯვება, შესაშური სტატისტიკური მონაცემები, რომელიც დადო ქვეყანამ, ეს ერთად უნდა გვიხაროდეს ყველას. ეჭვები, ძალიან გთხოვთ, ნუ გაქვთ ამ სტატისტიკურ მონაცემებში", — თქვა მარინა ეზუგბაიამ.

ექიმის თქმით, სტატისტიკური მონაცემების გაყალბება ვერ შეაჩერებს იმ პროცესს, რასაც კორონავირუსით ინფიცირებულების მკვეთრი მატება და მასთან დაკავშირებული პრობლემები ჰქვია.

ბოლო მონაცემებით, საქართველოში კორონავირუსის 496 დადასტურებული შემთხვევაა, ინფიცირებულებს შორის გამოჯანმრთელებულია 149 და გარდაცვლილია 6 პირი. კარანტინის რეჟიმში 4 833 პირი რჩება, სტაციონარში მეთვალყურეობის ქვეშ კი 571 ადამიანია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: