პრემიერი გიორი გახარია ამბობს, რომ იღებს მოქალაქეების კრიტიკას მთავრობის ცხელი ხაზის (144) ხარვეზით მუშაობაზე და ამის გამო პასუხისმგებელი პირებიც დაისჯებიან.

"რა თქმა უნდა ჩვენი მოქალაქეების კრიტიკა 144-ზე, ობიექტური იყო. რამდენიმე ფაქტორი დაემთხვა ერთმანეთს. შეაბამისი პასუხისმგებელი პირები, გარწმუნებთ, რომ დაიჯებიან უკიდურესად იმის გამო რაც მოხდა. იყო 2-3 დღე, როდესაც 144-ზე ზარების რაოდენობა გასცდა 300 ათასს. რეალურად ამ ნაკადის მენეჯმენტი შეუძლებელი იყო. 144 როგორც ინსტრუმენტი, როგორც იდეა, მოქალაქის და მტავრობის კავშირის დამყარებისთვის, იარსებებს და გახდება ეფექტიანი ინსტრუმენტი".

22 აპრილს პრემიერ-მინისტრის პრესსპიკერმა, ირაკლი ჩიქოვანმა განმარტა, რომ დღე-ღამის განმავლობაში 144-ზე 260 000-ზე მეტი ზარი შევიდა. ჩიქოვანმა ბოდიში მოუხადა მომხმარებლებს ხარვეზის გამო და მოუწოდა მათ, როცა ეს ცხელი ხაზი არ მუშაობს, საგანგებო მდგომარეობასთან დაკავშირებული საკითხების გასარკვევად 112-ში არ დარეკონ. მან აღნიშნა, რომ 144 მუშაობას გააგრძელებს, თუმცა არ დაუკონკრეტებია, როგორ უნდა მოიქცეს ხალხი, თუ ცხელი ხაზი ისევ გაჭედავს.

21 აპრილს 144 შეფერხებით მუშაობდა. ათეულობით ადამიანი სოციალურ ქსელში წერდა, რომ ცხელ ხაზზე დაკავშირებას ვერ ახერხებდა. ამ მიზეზის გამო, მოქალაქე, რომელსაც მომაკვდავი ლეკვი ვეტერინართან მიყავდა, 3 000 ლარით დააჯარიმეს.