იტალია ულამაზესი ქვეყანაა, მდიდარი ისტორიითა და კულტურით, შესაბამისად, გასაკვირი არაა, რომ ის ყოველწლიურად მილიონობით სტუმარს იზიდავს, თუმცა იტალიაში რომზე ბევრად მეტია სანახავი. თუ გსურთ, აღმოაჩინოთ იტალია, მაგრამ დიდი ქალაქები არ გაკმაყოფილებთ, გთავაზობთ ულამაზესი იტალიური პატარა ქალაქების სიას, რომლითაც შეგეძლებათ, დაგეგმოთ თქვენი შემდეგი დასვენება.

პოზიტანო

ამალფის სანაპიროზე მდებარე პატარა იტალიური ქალაქი პოზიტანო, რომელიც ცნობილია თავისი ქვიშიანი პლაჟებით, ფერადი სახლებით, ციცაბო კიბეებითა და რომანტიკული ატმოსფეროთი, პოპულარული დასასვენებელი ქალაქია, რომელსაც ცნობილი ადამიანებიც ხშირად სტუმრობენ. ის მდებარეობს სალერნოს პროვინციაში, კამპანიის რეგიონში და ქალაქის განსაკუთრებული პოპულარულობა გამოწვეულია მისი ბუნებრივი სილამაზით და ხმელთაშუა ზღვის კლიმატით. რომ აღარაფერი ვთქვათ იმაზე, რომ ქალაქში ბევრ საინტერესო რამეს აღმოაჩენთ, განურჩევლად იმისა, იმოგზაურებთ მარტო, პარტნიორთან თუ ოჯახთან ერთად.

პორტოფინო

პორტოფინო პატარა ქალაქია იტალიაში, გენუას პროვინციაში. ის თავდაპირველად სათევზაო ქალაქი იყო, მოგვიანებით კი იტალიელი თუ უცხოელი ტურისტებისთვის პოპულარულ ზღვისპირა კურორტად გადაკეთდა და დაახლოებით 500 მაცხოვრებელი ჰყავს. პორტოფინო იტალიაში ერთ-ერთი ყველაზე პოპულარული დასასვენებელი ადგილია, რასაც საფუძვლიანი მიზეზი აქვს. მისი განმსაზღვრელი მახასიათებელია ის, რომ აქ თქვენ ვერ შეხვდებით ქვიშიან სანაპიროებს, არამედ კლდოვან ყურეებს, სადაც ცურვა შეგიძლიათ. ქალაქი ასევე გარშემორტყმულია ფიჭვნარითა და ტყიანი ბორცვებით, რაც მას დასასვენებლად იდეალურს ხდის.

მატერა

მატერა სამხრეთ იტალიაში, აპულიაში მდებარე პატარა ქალაქია. ქალაქი ცნობილია ტროგლოდიტების სახლებით, კლდის ეკლესიებითა და ისტორიული ცენტრით, რომელიც იუნესკოს მსოფლიო მემკვიდრეობის ძეგლია. თუ ისტორიით სავსე ავთენტურ ადგილს ეძებთ, მატერა თქვენთვის იდეალური ქალაქია.

პადუა

პადუა ვენეტოში მდებარეობს, ვენეციიდან დაახლოებით 50 კმ-ში. ეს პატარა ქალაქი 1222 წელს დაარსებული უნივერსიტეტით არის ცნობილი, რომელიც უძველესია როგორც იტალიაში, ასევე მთელ ევროპაში. ქალაქი ასევე ცნობილია წმინდა ანტონის ბაზილიკით, დახურული ბაზრითა და არხებით. პადუას ისტორიული ცენტრი კი, ქალაქ მატერას მსგავსად, იუნესკოს მსოფლიო მემკვიდრეობის ძეგლია.

მანაროლა

პატარა ქალაქი მანაროლა რიომაჯიორეს მუნიციპალიტეტში მდებარეობს და მომხიბვლელი ტურისტული ადგილია. ცნობილია თავისი ფერადი სახლებით, დაკლაკნილი ხეივნებითა და ზღვის ულამაზესი ხედებით, რაც შესანიშნავ საწყის წერტილს წარმოადგენს ჩინკვე-ტერეს რეგიონის შესასწავლად — შესაძლოა, ის ამ რეგიონის უძველესი სოფელიც კი იყოს, რაც მას ორმაგად საინტერესოს ხდის.