ყალბი ფულის გასაღების ფაქტზე საქართველოს მოქალაქე დააკავეს. საქართველოს ფინანსთა სამინისტროს საგამოძიებო სამსახურის ინფორმაციით, ბრალდებული საქართველოს ტერიტორიაზე სისტემატურად ასაღებდა ყალბ 20-ლარიან კუპიურებს. პირადი ჩხრეკის შედეგად კი 76 ერთეული 20-ლარიანი ყალბი კუპიურა ამოიღეს.

გამოძიება მიმდინარეობს საქართველოს სისხლის სამართლის კოდექსის 212-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ვადით.