იაპონიამ ქვეყანაში კორონავირუსის დადასტურებული შემთხვევები და გარდაცვლილთა რაოდენობა დააზუსტა. ამის შესახებ ინფორმაციას CNN ავრცელებს.

განახლებული მონაცემების მიხედვით, ქვეყანაში ჯამში 85-ით მეტი ადამიანი გარდაიცვალა და 34-ით მეტი შემთხვევა დადასტურდა. საბოლოო მონაცემებით, იაპონიაში კორონავირუსი 13 100 ადამიანს დაუდასტურდა, მათგან 330 გარდაიცვალა.

ხუთშაბათს ჯანდაცვის სამინისტრომ 434 ახალი შემთხვევა და 19 გარდაცვალება დაადასტურა. სამინისტროს განმარტებით, საერთო რაოდენობასთან დაკავშირებით შეუსაბამობა მაშინ აღმოაჩინეს, როცა ოფიციალურმა პირებმა ადგილობრივი მმართველობიდან მიღებულ ინფორმაციას გადახედეს.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: