დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსი კიდევ 6 ადამიანს დაუდასტურდა და ინფიცირებულთა საერთო რაოდენობა 431-მდე გაიზარდა. ამის შესახებ ინფორმაცია Stopcov.ge-ზე ცოტა ხნის წინ განახლდა.

ბოლო მონაცემებით, საქართველოში ინფიცირებულია 431 ადამიანი, მათგან გამოჯანმრთელებულია 114, ხოლო გარდაცვლილია 5. კარანტინის რეჟიმში 5 126 ადამიანია, სტაციონარში მეთვალყურეობის ქვეშ — 578.

ახალი დადასტურებული შემთხვევებიდან ერთი თბილისის ცენტრალურ ინფექციურ საავადმყოფოშია მოთავსებული. საავადმყოფოს დირექტორის, მარინა ეზუგბაიას თქმით, მისი წყარო ჯერ ცნობილი არაა და კვლევა მიმდინარეობს.

ბოჭორიშვილის კლინიკის წარმომადგენლის განცხადებით, მათ ორი ახალი პაციენტი ჰყავთ, რომლებიც მარნეულიდან გადმოიყვანეს. კლინიკაში, ასევე, დაემატა 2 გამოჯანმრთელებული, რომლებიც უკვე გაწერეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: