დამწყები ქართული კომპანია დიდი გეგმებით — ონლაინ პლატფორმაზე ახლად გამოჩენილმა საკურიერო კომპანია AloModi-მ ზუსტად ერთ თვეში შეძლო მომხმარებლისთვის თავის გაცნობა და დამახსოვრება.

AloModi-ის სამომავლო გეგმები, არც მეტი, არც ნაკლები, მსოფლიო ბრენდად ქცევაა. კომპანიაში ფიქრობენ, რომ ამისთვის მათ ყველა საჭირო შესაძლებლობა და ძალა აქვთ. ინდუსტრიული მომსახურების სფეროში 5 სხვადასხვა ქვეყანაში: თურქეთში, უკრაინაში, ტანზანიაში, ეთიოპიასა და საქართველოში — სავაჭრო საქმიანობას ეწევიან. ამ სიას უახლოეს მომავალში აზერბაიჯანიც დაემატება.

პატარა ქართული კომპანია 3 წლის შემდეგ 10 ქვეყანაში გეგმავს ფუნქციონირებას.

როგორც დამფუძნებლები საუბრობენ, კომპანიის გახსნა 2020 წლის ივნისში იგეგმებოდა, თუმცა ვირუსისგან გამოწვეულ ამ რთულ პერიოდში იფიქრეს: "რატომაც არა?!" და სწორედ ახლა, მაშინ, როცა ადამიანებს განსაკუთრებით სჭირდებათ საკურიერო სერვისი, დაიწყეს შეკვეთების მიღება.

რადგან დაგეგმილზე ადრე გაიხსნენ, შეკვეთები ჯერჯერობით Facebook-ის მესენჯერითა და ტელეფონით მოდის, თუმცა ვებგვერდისა და აპლიკაციის შექმნაზე მუშაობა უკვე დაწყებულია.

რა შეგვიძლია შევუკვეთოთ AloModi-თ?

პირველ რიგში, ესაა მზა საკვები და ყველა სახის სასურსათო პროდუქცია მარკეტებიდან და სხვადასხვა საკვები ობიექტიდან.

პროდუქტი ინახება AloModi-ს საწყობში. თუმცა თუკი პროდუქტი საწყობში არ ინახება, დამკვეთისთვის მას სხვადასხვა ობიექტიდან იმარაგებენ. პროდუქცია ყოველდღიურ რეჟიმში მრავაფეროვნდება და საწყობიც ფართოვდება. შეკვეთის მიტანის დრო დამოკიდებულია პროდუქციის სახეობაზე.

და რაც ყველაზე მთავარია, შეკვეთას არ ემატება არანაირი დამატებითი მომსახურების საფასური. როგორც კომპანიაში აცხადებენ, აღნიშნული ნაბიჯი არის კომპანიისგან სოციალური პასუხისმგებლობა ეპიდემიის პერიოდში, რადგან სულ უფრო ნაკლები ადამიანი გავიდეს ქუჩაში და თავი დაიცვას ვირუსის გავრცელებისგან.

ამ ეტაპზე AloModi-ს გამოძახება შესაძლებელია თბილისში, ბათუმსა და ქუთაისში. ახლო მომავალში იგეგმება ფილიალების გაფართოება. გაფართოვდება კურიერების გუნდიც, რომელშიც ამ ეტაპზე 27 კურიერია.

რაც შეეხება პროდუქციას, კომპანია ყველაზე სანდო და ხშირად მოთხოვნად ბრენდებს ირჩევს. ამისთვის კომპანია ყოველდღიურ რეჟიმში ეკონტაქტება მომხმარებელს და მუდმივად აახლებს საწყობში არსებულ პროდუქციას.

ფილიალები სულ რამდენიმე კვირის გახსნილია, თუმცა, კარანტინიდან გამომდინარე, მოთხოვნა დიდია და დღითი დღე იზრდება კიდეც.

კომპანიაში იმედოვნებენ, რომ, როცა აპლიკაცია და ვებგვერდი ჩაეშვება, შეკვეთები კიდევ უფრო გაიზრდება.

შეკვეთების გაზრდასთან ერთად, კომპანიაც გაიზრდება — თუკი დღეს 3 ქალაქს 27 კურიერი ემსახურება, იმედოვნებენ, რომ 1 თვის თავზე მათი რიცხვი 300-ს მიაღწევს. დღევანდელობიდან გამომდინარე, ისინი მოქნილი გრაფიკით ვერ მუშაობენ, თუმცა, როგორც კი შეზღუდვები მოიხსნება, AloModi მომხმარებელს 24/7-ზე მოემსახურება.