ლიეტუვის მთავრობა აღმოსავლეთ პარტნიორობის ოთხი ქვეყნისთვის, მათ შორის საქართველოსთვის, სამედიცინო საშუალებების შესაძენად 100 ათას ევროს გამოყოფს. ამის შესახებ ლიეტუვის საგარეო საქმეთა მინისტრი ლინას ლინკევიჩუსი ტვიტერში წერს.

"ლიეტუვა განაგრძობს აღმოსავლეთ პარტნიორების გვერდით დგომას Covid-19-ის წინააღმდეგ ჰუმანიტარული დახმარების გასაწევად. ლიეტუვის მთავრობამ გადაწყვიტა, გამოყოს 100 ათასი ევრო ლიეტუვის კომპანიების მიერ წარმოებული სამედიცინო საშუალებების შესაძენად: სომხეთისთვის, საქართველოსთვის, მოლდოვისთვის და უკრაინისთვის", — წერს ლინას ლინკევიჩუსი.