დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსისგან მე-5 პაციენტი გარდაიცვალა. ამის შესახებ ინფორმაცია Stopcov.ge-ზე ცოტა ხნის წინ განახლდა.

როგორც პირველ საუნივერსიტეტო კლინიკაში განაცხადეს, გარდაცვლილი 68 წლის კაცია და ის ბოლნისის კლასტერიდან იყო.

"ჰქონდა გადატანილი ინფარქტი, გულის უკმარისობა, სუნთქვის მწვავე უკმარისობით შემოვიდა ჩვენთან და ამიტომაც მოხდა მისი აპარატზე გადაყვანა. პაციენტს ინფარქტის გამო აღენიშნებოდა გართულებები, სასუნთქ გზებშიც გართულებები, რასაც დაემატა ორმხრივი მწვავე პნევმონია, სეპტიური შოკი. სიკვდილის უშუალო მიზეზი იყო ფილტვის არტერიის თრომბოემბოლია", — თქვა ლალი ტურძელაძემ.

მისივე ინფორმაციით, გარდაცვლილი კლინიკაში დაახლოებით ორი კვირის წინ შეიყვანეს.

ბოლო მონაცემებით, საქართველოში ინფიცირებულია 411 ადამიანია, მათგან გამოჯანმრთელებულია 98, ხოლო გარდაცვლილია 5. უცხოეთიდან სამკურნალოდ გადმოყვანილი საქართველოს მოქალაქეები — 3, კარანტინის რეჟიმში 5 160 ადამიანი რჩება, სტაციონარში მეთვალყურეობის ქვეშ კი 579.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: