კორონავირუსის გამო აშშ-ს პრეზიდენტი, დონალდ ტრამპი იმიგრაციის დროებით შეჩერებას აპირებს. ამის შესახებ მან ტვიტერზე დაპოსტა.

როგორც ტრამპი ამბობს, გადაწყვეტილება "უხილავი მტრის თავდასხმის გამო" და ამერიკელი ხალხის სამუშაო ადგილების დაცვისთვის მიიღო. განცხადებაში პრეზიდენტი არ აღნიშნავს, როდის მოეწერება ხელი განკარგულებას და რამდენი ხანი იმოქმედებს შეზღუდვა.

პანდემიის გამო აშშ-ში შესვლა განსაკუთრებულ შემთხვევებში მხოლოდ მექსიკიდან და კანადიდან არის შესაძლებელი. ევროპის ქვეყნებისა და ჩინეთის მოქალაქეებისთვის ქვეყანაში შესვლა აკრძალულია, თუმცა ჩასვლა კვლავ შეუძლიათ სამუშაო ვიზის მფლობელებს, სტუდენტებსა და ბიზნესმენებს.

ბოლო მონაცემებით, აშშ-ში კორონავირუსით ინფიცირების 787 ათასზე მეტი დადასტურებული შემთხვევაა დაფიქსირებული, ხოლო 42 ათასზე მეტი ადამიანი გარდაიცვალა.