ფლორიდაში მდებარე ცხოველთა თავშესაფარი დაცარიელდა, რადგან მიტოვებული და მიუსაფარი ძაღლები მოქალაქეებმა სახლში წაიყვანეს. ორგანიზაციის თანამშრომლებმა ვიდეო გამოაქვეყნეს, სადაც ამბობენ, რომ ეს პირველი შემთხვევაა, როცა თავშესაფრის სამივე გალია ცარიელია.

თავშესაფარში სულ 48 ძაღლი ეტეოდა. ხანდახან ერთ გალიაში ორი ოთხფეხა ცხოველიც ჰყოლიათ მოთავსებული.

როგორც ორგანიზაციის წარმომადგენელმა CNN-ს უთხრა, შემცირებულია ძაღლების თავშესაფარში მიყვანის შემთხვევებიც.

აშშ-ს მასშტაბით უამრავ თავშესაფარში ამბობენ, რომ ძაღლის სახლში წაყვანის მსურველთა რიცხვი გაიზარდა, რადგან თვითიზოლაციაში მყოფ ადამიანებს ოთხფეხა მეგობრებზე ზრუნვის მეტი დრო აქვთ.

გარდა ამისა, სოციალურ დისტანციის დროს მოქალაქეების დიდი ნაწილი მარტო რჩება და ამიტომ, სახლში ახალი წევრის ყოლა სურს, რომელთან ერთადაც პანდემიის რთულ დღეებს უფრო სასიამოვნოდ გაატარებს.