დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს სამედიცინო დირექტორის, მარინა ეზუგბაიას თქმით, მათ კლინიკაში მყოფი ცხრა თვის ბავშვი ყველაზე კარგად გრძნობს თავს. მისივე ინფორმაციით, ამ ეტაპზე ექვსი არასრულწლოვანია ინფექციურში და მათი მდგომარეობაც დამაკმაყოფილებელია.

კორონავირუსით ინფიცირებული ცხრა თვის ბავშვი თბილისში სამკურნალოდ ქობულეთიდან, რამდენიმე დღის წინ ჩამოიყვანეს. მანამდე ქობულეთის მუნიცილაპიტეტის 4 სოფელში, ვირუსის შიდა გავრცელების გამო, მკაცრი კარანტინი გამოცხადდა.

15 აპრილს ცნობილი გახდა, რომ საქართველოში კორონავირუსით კიდევ 6 ადამიანი დაინფიცირდა და მათი რაოდენობა ჯამში 306 გახდა. ბოლო მონაცემებით, საქართველოში კორონავირუსით ინფიცირებულია 306 ადამიანი, მათგან გამოჯანმრთელებულია 69, ხოლო გარდაცვლილია 3. კარანტინის რეჟიმში 4 990 ადამიანია, სტაციონარში მეთვალყურეობის ქვეშ კი 462.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: