დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერ-მინისტრის, გიორგი გახარიას განცხადებით, მაისის შუა რიცხვებიდან შეზღუდვების ეტაპობრივი მოხსნა იგეგმება, თუმცა ამისთვის საჭიროა მომდევნო 2-3 კვირა, ყველამ გაითვალისწინოს არსებული შეზღუდვები. მისი თქმით, სხვა შემთხვევაში შეზღუდვები შეიძლება გადავადდეს თვეობით. მისივე თქმით, ეს არის წინაპირობა, რომელიც ეკონომიკისა და ბიზნესის ამუშავებისთვის საჭიროა.

"ჩვენ ყველანი უნდა შევთანხმდეთ, Covid-19 არის მოვლენა ჩვენს ცხოვრებაში, რომელსაც ჩვენ უნდა შევეგუოთ და უნდა მივეჩვიოთ, როგორც პირბადით, ასევე, ხელთათმანებით შრომას. უნდა გავიაროთ ეს ადაპტაცია. ჩვენი ჯანდაცვის სისტემა უნდა იყოს მზად გარკვეული რაოდენობის ინფიცირებული ადამიანების სწორი და წარმატებული მართვისათვის.

მიუხედავად ამისა, დღეს უახლოესი 2-3 კვირის განმავლობაში კრიტიკულად მნიშვნელოვანია ზედმიწევნით შევასრულოთ ყველა ის შეზღუდვა, რომელსაც ჩვენ ვახორციელებთ", — განაცხადა მან.

ბრიფინგზე პრემიერმა განაცხადა, რომ საგანგებო მდგომარეობა 10 მაისამდე გრძელდება და 15 აპრილის 21:00 სააათიდან კი თბილისში, რუსთავში, ქუთაისსა და ბათუმში 10 დღით შესვლა და გასვლა აიკრძალება.

რაც შეეხება ეკლესიის დამოკიდებულებას საგანგებო მდგომარეობის წესებთან და სააღდგომო ლიტურგიას, პრემიერმა ურთიერთგამომრიცხავი განცხადებები გააკეთა. მისი თქმით, ბზობის დღესასწაულზე შსს-ს უფრო ეფექტურად უნდა ემუშავა, თუმცა მისივე თმით, ეკლესია ვერ დაიხურება, განსაკუთრებით აღდგომას.

ბოლო მონაცემებით, საქართველოში კოროანვირუსით ინფიცირების 296 შემთხვევა დადასტურდა. ინფიცირებულებიდან გარდაიცვალა 3 და გამოჯანმრთელდა 69 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: