დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პრემიერ-მინისტრის, გიორგი გახარიას თქმით, არსებული სიტუაცია არ არის კრიზისი, რომელიც ერთ თვეში დასრულდება. მისი თქმით, ეს არის ვირუსი, რომელსაც უნდა შევეგუოთ, რომელთან ერთად, ცხოვრება და მუშაობა უნდა ვისწავლოთ.

"ყველას კარგად უნდა გვესმოდეს, რომ ეს არის კრიზისი, რომელშიც ყველას მოგვიწევს ყოფნა მინიმუმ ერთი წელი, წელიწად-ნახევარი. [...]

სოციალური დისტანციის დაცვა მოგვიწევს ძაან დიდი ხანი კიდევ. შეზღუდვა ჩვენი მოხუცებულებისთვის, ჩვენი მშობლებისთვის, კარანტინი შეიძლება კიდევ უფრო დამძიმდეს. ჩვენ შეიძლება ეკონომიკა გავხსნათ, კომპანიებს მივცეთ მუშაობის საშუალება, მაგრამ 65 წელს ზევით ადამიანები შეიძლება კარანტინში დარჩნენ კიდევ ბევრი თვეები. ამას ყველაფერს სჭირდება გათვალისწინება", — განაცხადა მან.

გახარიას განცხადებით, მაისის შუა რიცხვებიდან შეზღუდვების ეტაპობრივი მოხსნა იგეგმება, თუმცა ამისთვის საჭიროა მომდევნო 2-3 კვირა, ყველამ გაითვალისწინოს არსებული შეზღუდვები.

ბრიფინგზე პრემიერმა განაცხადა, რომ საგანგებო მდგომარეობა 10 მაისამდე გრძელდება და 15 აპრილის 21:00 სააათიდან კი თბილისში, რუსთავში, ქუთაისსა და ბათუმში 10 დღით შესვლა და გასვლა აიკრძალება.

რაც შეეხება ეკლესიის დამოკიდებულებას საგანგებო მდგომარეობის წესებთან და სააღდგომო ლიტურგიას, პრემიერმა ურთიერთგამომრიცხავი განცხადებები გააკეთა. მისი თქმით, ბზობის დღესასწაულზე შსს-ს უფრო ეფექტურად უნდა ემუშავა, თუმცა მისივე თმით, ეკლესია ვერ დაიხურება, განსაკუთრებით აღდგომას.

ბოლო მონაცემებით, საქართველოში კოროანვირუსით ინფიცირების 296 შემთხვევა დადასტურდა. ინფიცირებულებიდან გარდაიცვალა 3 და გამოჯანმრთელდა 69 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: