საქართველოში საგანგებო მდგომარეობა 10 მაისამდე გახანგრძლივდება. ამის შესახებ პრემიერ-მინისტრმა დღეს, 14 აპრილს, 17 საათზე ბრიფინგზე განაცხადა. შესაბამისი თხოვნით, მთავრობა პრეზიდენტს მიმართავს, რომელიც პროცედურულად პარლამენტს წარუდგებს დეკრეტს.

გარდა ამისა, პრემიერმა განაცხადა, რომ სახეზეა შიდა გავრცელება მთელი ქვეყნის მასშტაბით. მთავრობამ საკარანტინო შეზღუდვები კიდევ უფრო გაამკაცრა და 15 აპრილის 21 სააათიდან თბილისში, რუსთავში, ბათუმსა და ქუთაისში შესვლა და გამოსვლა 10 დღით აიკრძალა.

"გვაქვს პირველი შემთხვევა, როდესაც ერთი დღის განმავლობაში 30 ინფიცირებული ადამიანი გყვავს... ქვეყანაში სრულმასშტაბიანი შიდა გავრცელების დონეზე გადავედით", — განაცხადა გიორგი გახარიამ.