ნაციონალური მოძრაობა ხელისუფლებას ორმაგი სტანდარტების დაწესებაში ადანაშაულებს. პარტიამ ვიდეოკადრები გაავრცელა, სადაც ჩანს, რომ ჯანდაცვის მინისტრი, ეკატერინე ტიკარაძე ავტომობილის წინა სავარძელში ჯდება, რაც საგანგებო მდგომარეობის რეჟიმით აკრძალულია. უცნობია ვიდეოს გადაღების ზუსტი თარიღი.

როგორც პარტიის ერთ-ერთი წევრი, ზურაბ მელიქიშვილი ამბობს, ხელისუფლებამ ორმაგ სტანდარტებზე პასუხი უნდა გასცეს.

"არ შეიძლება, რომ 1 ოჯახიდან გამოვიდნენ მეუღლეები და დააჯარიმო იმ პრინციპით, რომ თურმე სოციალური დისტანციია დარღვეული მანქანაში წინ დაჯდომისთვის. ამ დროს ამ რეკომენდაციის ერთ-ერთი შემმუშავებელი უწყების პირველი პირი თავად არღვევს საჯაროდ ამ წესს", — განაცხადა ზურაბ მელიქიშვილმა.