დისნეიმ საკუთარი ანიმაციური ფილმების მხატვრულ ფილმებად გადაქცევა დიდი ხნის წინ დაიწყო. გამონაკლისი არც "არიელია". თავის დროზე, 1989 წელს გამოშვებულმა მულტფილმმა დიდი წარმატება მოიპოვა, არიელი კი ერთ-ერთ ყველაზე პოპულარულ პრინცესად იქცა.

დისნეიმ არიელის როლზე ქლოი გრეის მორეცი დაამტკიცა, თუმცა, ვისთვის სამწუხაროდ და ვისთვის საბედნიეროდ, მან პროექტზე უარი თქვა.

ფოტო: Pinterest

ქლოის უარის შემდეგ ფილმის პროდიუსერებმა არიელის შემცვლელის მოძებნა აქტიურად დაიწყეს, თუმცა საბოლოო არჩევანი ჯერ არავისზე შეუჩერებიათ. ამასობაში კი ლინდსი ლოჰანმა თავად გამოთქვა სურვილი, არიელის პერსონაჟი განესახიერებინა და განაცხადა, რომ ეს მისი ოცნების როლია.

შესაძლოა, მსახიობის ეს ნაბიჯი ფილმის შემქმნელებმა უყურადღებოდ არ დატოვონ და ქალთევზას ახალი სიცოცხლე სწორედ ლინდსიმ აჩუქოს.