კორონავირუსი და სექსი — რა უნდა ვიცოდეთ
შეიძლება თუ არა სექსით კორონავირუსის გადაცემა? — ალბათ დაინტერესებულხართ, თუმცა მოგრიდებიათ ამ კითხვის დასმა.
მითებისა და ფაქტების ერთმანეთისგან გასამიჯნად სექსსა და კორონავირუსთან დაკავშირებულ კითხვებს ჯანმრთელობის ექსპერტები სცემენ პასუხებს: ალექს ჯორჯი, სასწრაფო სამედიცინო დახმარების ექიმი და ალიქს ფოქსი, სექსის თემატიკაზე მომუშავე BBC-ის ჟურნალისტი, გვიზიარებენ თავიანთ ცოდნას პანდემიისას ინტიმურ ურთიერთობებთან დაკავშირებულ საკითხებზე.
1. რამდენად უსაფრთხოა სექსი კორონავირუსის გავრცელების პირობებში?
თუ ურთიერთობაში ხართ, ცხოვრობთ თქვენს პარტნიორთან ერთად და, შესაბამისად, ერთმანეთის გარემოცვაში იმყოფებით, მაშინ ეს თქვენს სიტუაციას არ ცვლის. თუმცა, თუ რომელიმე თქვენგანი კორონავირუსის სიმპტომების გამოვლენას დაიწყებს, მაშინვე უნდა დაიცვათ ფიზიკური დისტანცია და იზოლირდეთ — ერთ ბინაში ცხოვრების დროსაც კი. იდეალურ შემთხვევაში ადამიანებს შორის მანძილი სახლშიც კი 2 მეტრი მაინც უნდა იყოს, მაგრამ ყველანი ვხვდებით, რომ ამ წესის დაცვა ზოგჯერ შეუძლებელია.
ასევე მნიშვნელოვანია, არ გეგონოთ, რომ რადგან თქვენ კორონავირუსის მსუბუქ სიმპტომებს განიცდით, ეს დაავადება იმავენაირად განუვითარდება თქვენს პარტნიორსაც. ამიტომ უმნიშვნელო სიმპტომების არსებობის შემთხვევაშიც, ეცადეთ, რომ მოერიდოთ თქვენს შეყვარებულს.
2. რამდენად სარისკოა ახლადგაცნობილ ადამიანებთან სექსი?
ცხადია, ამ მომენტისთვის არ გირჩევთ, ახალი სექსუალური პარტნიორების ყოლას, რადგან არსებობს ვირუსით დაინფიცირების მაღალი რისკი.
ასევე გახსოვდეთ, რომ ზოგი ადამიანი, შეიძლება, ვირუსის უსიმპტომო მატარებელი იყოს. ამიტომ თუნდაც აბსოლუტურად კარგად გრძნობდეთ თავს, ახლო კონტაქტითა და კოცნით მაინც შეიძლება გადასდოთ ინფექცია ვინმეს, მისგან კიდევ სხვა ადამიანზე გავრცელდეს ვირუსი.
3. ცოტა ხნის წინ ვაკოცე ვიღაცას, ვისაც მოგვიანებით განუვითარდა სიმპტომები. რისი გაკეთება შემიძლია?
თუ აკოცეთ ან ახლო კონტაქტი გქონდათ ადამიანთან, რომელზეც ფიქრობთ, რომ კორონავირუსი გამოუვლინდა, უპირველესად მოექეცით თვითიზოლაციაში. დააკვირდით თქვენს თავს და ძალიან ყურადღებით იყავით შესაძლო სიმპტომებისადმი. თუ გამოვლენილი სიმპტომები გაგირთულდებათ, დარეკეთ ცხელ ხაზზე.
დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144
ჩვენ ინტიმური ურთიერთობებისას პასუხისმგებლობა უნდა ავიღოთ ერთმანეთზე და საკუთარ თავზეც. თუ აღგენიშნებათ სიმპტომები და უკანასკნელი დღეების განმავლობაში ვინმეს აკოცეთ, აუცილებლად უნდა შეატყობინოთ მას და პირიქით, თუ პარტნიორს გამოუვლინდება ვირუსისთვის დამახასიათებელი ნიშნები, უნდა იზოლირდეთ.
4. კორონავირუსამდე პარტნიორთან სექსის დროს არ ვიყენებდი პრეზერვატივს, უნდა გამოვიყენო თუ არა ახლა?
ამ კითხვაზე პასუხს ის განსაზღვრავს, თუ რატომ არ იყენებდით აქამდე პრეზერვატივს.
თუ პრეზერვატივს იმიტომ არ იყენებდით, რომ ორივეს გაქვთ ჩატარებული გამოკვლევები სქესობრივი გზით გადამდებ დაავადებებზე და, ამასთან, თუ ჰეტეროსექსუალურ ურთიერთობაში მენოპაუზამდე პერიოდში ხართ, სხვა სახის კონტრაცეპტივებს იყენებთ დაუგეგმავი ორსულობის თავიდან ასარიდებლად, მაშინ ყველაფერი რიგზეა. მაგრამ თუ არც სქესობრივი გზით გადამდებ დაავადებებზე ხართ შემოწმებულნი და არც კონტრაცეპტივებს იყენებთ, მაშინ ახლა განსაკუთრებით მნიშვნელოვანია თავის დაცვა.
5. შეიძლება, ვინმეს ვაგინაზე ან პენისზე შეხებით გადამედოს კორონავირუსი?
თუ ერთმანეთის გენიტალიებზე შეხებას აპირებთ, სავარაუდოა, რომ ერთმანეთს აკოცებთ კიდეც. როგორც ვიცით, ვირუსი ნერწყვით გადადის. არსებითად, კორონავირუსის გადაცემის ნებისმიერი შესაძლებლობა — თქვენი პირიდან თქვენსავე ხელებზე და გენიტალიებზე და იქიდან პარტნიორის ხელებზე და ცხვირზე თუ პირზე — ზრდის მისით დაავადების რისკებს. საჭიროა, რომ ამის შესაძლებლობა აბსოლუტურ მინიმუმამდე დავიყვანოთ. ამიტომ მნიშვნელოვანია, არანაირი ფიზიკური კონტაქტი არ გვქონდეს ადამიანთან, რომელთან ერთადაც არ ვცხოვრობთ.
6. როგორ შევინარჩუნო ინტიმური ურთიერთობა პარტნიორთან?
პანდემია უბიძგებს ხალხს, გადაიაზროს, რას ნიშნავს ჯანსაღი სექსუალური ცხოვრება და რა აყალიბებს საამო და სასიამოვნო ინტიმურ კავშირს. ბევრმა ეროტიკული ამბების წერა და ერთმანეთისთვის გაზიარება დაიწყო და ისინი, ვინც ერთმანეთს პანდემიამდე ხვდებოდნენ და ახლა სხვადასხვა ადგილას უწევთ კარანტინის გავლა, ამ გზით ცდილობენ სასარგებლოდ გამოიყენონ დრო და მანძილი. შედეგად, მრავალმა აღმოაჩინა საკუთარ თავში შემოქმედებითი ნიჭი. ჩართეთ საქმეში ფანტაზია და თქვენ აუცილებალდ მოძებნით გზებს პირისპირ კონტაქტის გარეშე ინტიმური კავშირის შესანარჩუნებლად.
ასევე მნიშვნელოვანია გახსოვდეთ, რომ ზოგიერთმა შეიძლება სწორედ ახლა აღმოაჩინოს, რომ პარტნიორისგან განსხვავებული ლიბიდო აქვს. თუ ადრე კვირაში ერთხელ ხვდებოდით ერთმანეთს, ახლა კი ერთ ჭერქვეშ გიწევთ ცხოვრება, მოსალოდნელია, რომ რაღაც მომენტებში თქვენ გინდოდეთ სექსი და თქვენს პარტნიორს არა, ან — პირიქით. თანაცხოვრება არ გულისხმობს სექსის ქონას ნებისმიერ დროს. ამიტომ თუკი გიწევთ ისეთ პირობებში ცხოვრება, როცა გრძნობთ, რომ გაძალებენ სექსს და, შესაბამისად, მისგან სიამოვნებას ვერ იღებთ, ღიად დაელაპარაკეთ ამის შესახებ პარტნიორს.
7. შიდსის ქონის შემთხვევაში თუ მივეკუთვნები მაღალი რისკის ჯგუფს?
თუ შიდსის სამართავად რეგულარულად იღებთ მედიკამენტებს, CD4-ის, ანუ ინფექციასთან საბრძოლველად საჭირო სისხლის თეთრი უჯრედების რაოდენობა ნორმაში გაქვთ და ვირუსული დატვირთვაც, ანუ სისხლში HIV-ის რაოდენობა ნორმიდან არაა გადახრილი, დაბალი იმუნიტეტის მქონედ არ ითვლებით. ეს იმას ნიშნავს, რომ კორონავირუსთან დაკავშირებული დამატებითი რისკების ქვეშ არ იმყოფებით. თუ აივ დადებითი ხართ, გააგრძელეთ მედიკამენტების მიღება და მიჰყევით იმავე წესებს, რასაც სხვები იცავენ, როცა საქმე იზოლაციასა და ფიზიკურ დისტანცირებას ეხება.
-
-
-
გადახედვაარ ვიცი, Euphoria მე-3 სეზონით დაბრუნდება თუ არა — ზენდეია არ ვიცი, Euphoria მე-3 სეზონით დაბრუნდება თუ არა — ზენდეია
-
გადახედვაგენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა გენდერული კვოტების გაუქმების კანონპროექტზე, სახალხო დამცველმა ეუთო/ოდირს მიმართა
-
გადახედვაფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს ფონდი ქართუ საფეხბურთო ნაკრებს, ქვეჯგუფიდან გასვლის შემთხვევაში, 30 მილიონ ლარს გადასცემს
-
გადახედვაჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს ჟურნალისტის, ია სართანიას თავდასხმის ფაქტზე, მედიის ადვოკატირების კოალიცია გამოძიებას ითხოვს
-
გადახედვავაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ? ვაშაძე: ივანიშვილმა და მისმა დაჯგუფებამ გადაწყვიტეს, საკუთარ მოქალაქეებს კონტრაქცია გაუმართოს, რას ითხოვთ, ევროკავშირში არ შევიდეთ?
-
გადახედვა5-თვიანი სიჩუმის შემდეგ Voyager 1-სგან მონაცემები მივიღეთ 5-თვიანი სიჩუმის შემდეგ Voyager 1-სგან მონაცემები მივიღეთ
-
გადახედვადღეს მე ვარ ძლიერი ქალი, რომელიც მომავალს პოზიტიურად უყურებს — სელინ დიონი დღეს მე ვარ ძლიერი ქალი, რომელიც მომავალს პოზიტიურად უყურებს — სელინ დიონი
-
გადახედვააზერბაიჯანის ხელისუფლების ცნობილ კრიტიკოსს, ჯანმრთელობის გაუარესების გამო, პატიმრობა შინაპატიმრობით შეუცვალეს აზერბაიჯანის ხელისუფლების ცნობილ კრიტიკოსს, ჯანმრთელობის გაუარესების გამო, პატიმრობა შინაპატიმრობით შეუცვალეს
-
გადახედვადააპატიმრეს ქალი, რომელმაც ჰარი სტაილსს 8 000 ბარათი გაუგზავნა დააპატიმრეს ქალი, რომელმაც ჰარი სტაილსს 8 000 ბარათი გაუგზავნა
-
-
-
-
გადახედვა"დადექით საერთო ევროპული მომავლის გვერდით" — დროა/გირჩი - მეტი თავისუფლების მიმართვა საჯარო მოხელეებს "დადექით საერთო ევროპული მომავლის გვერდით" — დროა/გირჩი - მეტი თავისუფლების მიმართვა საჯარო მოხელეებს
-
გადახედვაყალბი მართვის მოწმობების დამზადება-გასაღების ფაქტზე ოთხი პირი დააკავეს ყალბი მართვის მოწმობების დამზადება-გასაღების ფაქტზე ოთხი პირი დააკავეს
-
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვატეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს ტეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს
-
გადახედვასაერთაშორისო კოსმოსურ სადგურში ბაქტერიებმა მუტაცია განიცადეს საერთაშორისო კოსმოსურ სადგურში ბაქტერიებმა მუტაცია განიცადეს
-
კომენტარები