აშშ-ის საერთაშორისო განვითარების სააგენტო (USAID) $1,1 მილიონით დაეხმარება საქართველოს ჯანდაცვას კოორნავირუსთან საბრძოლველად. აშშ-ს ელჩის, კელი დეგნანის თქმით, ახალი დამხარების პროგრამა ხელს შეუწყობს ინფექციის კონტროლსა და პრევენციას. ასევე, ვირუსით დაინფიცირების შემთხვევათა იდენტიფიცირებას.

"USAID-მა ახლახანს გამოაცხადა 1,1 მილიონი დოლარის ოდენობის საგანგებო ჯანდაცვის დახმარების პროგრამა კოვიდ 19-თან ბრძოლაში საქართველოს მხარდასაჭერად. პროგრამის ფარგლებში დაგეგმილია ტექნიკური დახმარება, რომელიც ხელს შეუწყობს საქართველოს რეაგირებისა და ეპიდემიის კონტროლის შესაძლებლობის გაუმჯობესებას. აგრეთვე საგანგებო ვითარების შესახებ საზოგადოების ინფორმირებულობას. საგულდაგულოდ შედგენილი დახმარების პროგრამა მიზნად ისახავს შეავსოს ის მნიშვნელოვანი საქმე, რასაც საქართველოს მთავრობა, მოქალაქეები, დონორები და ჯანდაცვის წარმომადგენლები ასრულებენ", — ამბობს აშშ-ს ელჩი.

მან ისაუბრა ამერიკელი ხალხის $140 მილიონზე მეტი ღირებულების დახმარებაზე, რომელიც მიმართული იყო საქართველოსთვის "უნარიანი, მტკიცე და პროფესიონალური ჯანდაცვის ეროვნული სისტემის შექმნისკენ".