ყოფილი სასულიერო პირი, ბასილ კობახიძე მოითხოვს, რომ დეკანოზი შალვა კეკელია დააკავონ. კეკელია იმ სასულიერო პირებს შორისაა, რომელიც საგანგებო მდგომარეობისა და აკრძალვების მიუხედავად ღვთისმსახურებას მრევლის თანდასწრებით ატარებს.

"მოვითხოვ პოლიციამ დააპატიმროს დეკანოზი შალვა კეკელია, ის თავის სამსახურებრივი მდგომარეობის გამოყენებით, ღმერთის სასჯელით აშინებს ხალხს და მოუწოდებს კოლექტიური თვითმკვლელობისკენ", — წერს კობახიძე ფეისბუქზე და კეკელიას ქადაგების ვიდეოს აზიარებს.

აღნიშნულ ვიდეოში დეკანოზი შალვა კეკელია მოუწოდებს მრევლს, რომ სააღდგომო ლიტურგიას დაესწრონ.

საქართველოს საპატრიარქოს ჯერ გადაწყვეტილი არ აქვს 19 აპრილს სააღდგომო ლიტურგიას როგორ ჩაატარებს. სადღესასწაულო ღვთისმსახურება ღამის საათებში უნდა გაიმართოს, რა დროსაც ე.წ. კომენდანტის საათი მოქმედებს.