პრეზიდენტ ვლადიმერ პუტინის თათბირზე, რომელსაც ის რეგიონულ ხელმძღვანელებთან ატარებდა, კრემლის პრესსპიკერი დიმიტრი პესკოვი პიდჯაკზე მიმაგრებული მწვანე ბეიჯით მივიდა. როგორც შემდგომში მედიამ გაარკვია, ეს "ვირუსების დამბლოკველი" აღმოჩნდა, რომელიც თითქოსდა ვირუსებისგან და ბაქტერიებისგან იცავს ადამიანს.

როგორც მედუზა განმარტავს, "ვირუსებისა და ბაქტერიებს დამბლოკველი" მსგავს პროდუქციაში ძირითადად ქლორის დიოქსიდს გამოიყენებ, რომელიც მომწამვლელი გაზია. აშშ-ში მოსახლეობას მოუწოდებენ, რომ მოერიდონ სამკურნალოდ ისეთი პრეპარატების თუ საშუალებების შეძენას, რომელიც ქლორის დიოქსიდს შეიცავს.

8 აპრილის თათბირზე პესკოვს AirDoctor Portable-ს ბეიჯი ეკეთა. პრესსპიკერმა შემდგომში ჟურნალისტებს განუმარტა, რომ ის მოსკოვის ერთ-ერთ აფთიაქში ოთხი კვირის წინ შეიძინა.

პესკოვმა შემდგომში აღიარა, რომ არ იცის მოქმედებს თუ არა ის ბეიჯი ვირუსების წინააღმდეგ. თუმცა მეორე დღეს, 9 აპრილის შეხვედრაზე პესკოვს ე.წ. ვირუსების დამბლოკველი ბეიჯი აღარ ჰქონია.

ფოტო: კრემლი