აფხაზური მხარის ინფორმაციით, კორონავირუსი კიდევ ერთ ადამიანს დაუდასტურდა, რომელსაც კონტაქტი ჰქონდა პირველ ინფიცირებულთან. ოკუპირებულ აფხაზეთში კორონავირუსთან ბრძოლის ოპერატიული შტაბი აცხადებს, რომ აფხაზეთში ამ დრომდე სულ ორი ადამიანია ინფიცირებული. მათივე ცნობით, კიდევ ხუთ ადამიანს ჩაუტარდა ტესტი და ყველა მათგანის პასუხი უარყოფითი იყო.

შტაბი, ასევე, აცხადებს, რომ 15 წლის მოზარდი, რომელიც აფხაზეთში გარდაიცვალა, კორონავირუსით ინფიცირებული არ იყო.

აფხაზეთის დე ფაქტო ხელისუფლებამ კორონავირუსის პირველი შემთხვევა 7 აპრილს დაადასტურა. მათი თქმით, ინფიცირებული გაგრის მაცხოვრებელია, რომელიც მოსკოვიდან ჩავიდა.

ამ დროისთვის, საქართველოში კორონავირუსის 208 დადასტურებული შემთხვევაა, მათ შორის 3 გარდაიცვალა, 48 კი გამოჯანმრთელდა. კარანტინის რეჟიმში იმყოფება 4682 ადამიანი, სტაციონარში მეთვალყურეობის ქვეშ — 375.

კორონავირუსის გავრცელების პრევენციისთვის საქართველოში 21 მარტს საგანგებო რეჟიმი გამოცხადდა და დამატებითი შეზღუდვები დაწესდა. აღნიშნული ზომები 31 მარტს გამკაცრდა, როცა პრემიერმინისტრმა გიორგი გახარიამ "ფაქტობრივი კარანტინი" გამოაცხადა. ამოქმედდა ე.წ. კომენდანტის საათი და სამზე მეტი ადამიანის შეკრება აიკრძალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: