ბოჭორიშვილის კლინიკაში კორონავირუსით ინფიცირებული სამი ახალი პაციენტი შიდა გავრცელებას უკავშირდება. კლინიკის სამეთვალყურეო საბჭოს წევრის, მაკა სოლოღაშვილის თქმით, ყველა ახალი პაციენტის ოჯახის წევრი იგივე დიაგნოზით უკვე მკურნალობს და ისინი შიდა იზოლაციაში იყვნენ.

სოლოღავილის ინფორმაციით, ამ დროისთვის ბოჭორიშვილის კლინიკაში კორონავირუსით ინფიცირებული 13 პაციენტი ჰყავთ, აქედან 6 არასრულწლოვანია.

საქართველოში კორონავირუსით ინფიცირების 195 შემთხვევაა დადასტურებული. დადასტურებულ შემთხვევებს შორის გამოჯანმრთელებულია 39 ადამიანი. ინფიცირებულებს შორის კი გარდაცვლილია 2 პირი. კარანტინის რეჟიმში 4 735 პირი რჩება, ხოლო, სტაციონარში მეთვალყურეობის ქვეშ 383 პაციენტია.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: