ესპანეთში კორონავირუსით 809 ადამიანი გარდაიცვალა. ამის შესახებ ინფორმაციას CNN ესპანეთის ჯანდაცვის სამინისტროზე დაყრდნობით ავრცელებს.

ფატალური შემთხვევების რიცხვი ესპანეთში 7,3%-ითაა გაზრდილი, თუმცა 26 მარტის შემდეგ ეს ყველაზე დაბალი მაჩვენებელია. ხუთშაბათს ესპანეთში დაღუპულთა რიცხვმა 10 000-ს გადააჭარბა, ბოლო მონაცემებით ქვეყანაში ვირუსით 11 744 ადამიანი გარდაიცვალა.

ბოლო მონაცემებით, ქვეყანაში კორონავირუსის 78 733 დადასტურებული შემთხვევაა, მათგან 34 219 ადამიანი გამოჯანმრთელებულია. პარასკევთან შედარებით, გამოჯანმრთელებულთა რიცხვი 12%-ით გაიზარდა.

ესპანეთისთვის პიკი 19 მარტს დაფიქსირდა, როცა ქვეყანაში ერთ დღეში 27%-იანი ზრდა იყო.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: