თბილისის სახელმწიფო უნივერსიტეტმა აკადემიური საბჭოს 13 წევრი აირჩია. კომისიამ 11 მაისის აკადემიური საბჭოს პირველი ეტაპის არჩევნების შედეგები ცოტა ხნის წინ გამოაცხადა.

საარჩევნო კომისიის ცნობით არჩევნებში გაიმარჯვეს:

სოციალურ და პოლიტიკურ მეცნიერებათა ფაკულტეტი

  • ნოდარ ბელქანია
  • ამირან ბერძენიშვილი.

იურიდიული ფაკულტეტი

  • ირმა ხარშილაძე
  • ირინე ქურდაძე

ფსიქოლოგიისა და განათლების მეცნიერების ფაკულტეტი

  • თამარ აბაშიძე
  • რუსუდან სანაძე

ზუსტ და საბუნებისმეტყველო მეცნიერებათა ფაკულტეტი

  • გიორგი ღვედაშვილი
  • ომარ ფურთუხია

ეკონომიკისა და ბიზნესის ფაკულტეტი

  • ელგუჯა მექვაბიშვილი
  • მარინე მინდორაშვილი

მედიცინის ფაკულტეტი

  • პაატა იმნაძე
  • ნინო ოკრიბელაშვილი

ჰუმანიტარულ მეცნიერებათა ფაკულტეტს ერთი გამარჯვებული, დავით გოცირიძე, ჰყავს გამოვლენილი, რადგან არჩევნების ორმა კანდიდატმა - აპოლონ სილაგაძემ და ქეთევან ხუციშვილმა ხმების თანაბარი რაოდენობა დააგროვეს.

კომისიის თავჯდომარის, ლევან დვალიძის თქმით, ხელახალი კენჭისყრის თარიღი უახლოეს მომავალში გახდება ცნობილი.

არჩევნების დასრულების შემდეგ დვალიძემ აღნიშნა, რომ 4 საათის მონაცემებით 7 საარჩევნო უბანზე რეგისტრირებული 791 ამომრჩევლიდან არჩევნებზე 666 გამოცხადდა.

აუდიტორია 115-ის ერთ-ერთმა წევრმა არჩევნების დასრულებამდე თსუ-ში მიმდიანრე პროცესები შეაფასა და თქვა, რომ ახალი აკადემიური საბჭოს სამომავლო საქმიანობას არალეგიტიმურად მიიჩნევს.