ინდოეთში მინიმუმ 40 000 ადამიანი კარანტინში მოხვდა იმის გამო, რომ შეხება ჰქონდათ სასულიერო პირთან, რომელმაც იზოლაციის წესები დაარღვია და რამდენიმე შეკრებას დაესწრო. ამის შესახებ ინფორმაციას NBC ავრცელებს.

გამოცემა წერს, რომ 70 წლის სასულიერო პირი სამშობლოში დაბრუნებამდე იტალიაში და გერმანიაში იმყოფებოდა, შემდეგ მან თვითიოზლაციის წესები დაარღვია და მშობლიურ სოფელში რამდენიმე რელიგიურ შეკრებას დაესწრო. ამის შემდეგ ის მეზობელ ქალაქში, ორ მეგობართან ერთად ფესტივალს დაესწრო. ფესტივალი 10-დან 12 მარტის ჩათვლით ტარდებოდა და მას ყოველ დღე 300 000-მდე ადამიანი ესწრება.

ფესტივალზე დასწრების შემდეგ მღვდელი კორონავირუსით გარდაიცვალა. ადგილობრივი ხელისუფლების ინფორმაციით, მის ბევრ ახლობელს კორონავირუსი დაუდასტურდა. სოფელში მას დაახლოებით 650 ადამიანთან ჰქონდა კონტაქტი, მათ ტესტირება გაუკეთეს.ჯამში ინდოეთის ამ რეგიონში 20 სოფლის 40 000 მოსახლეა კარანტინში, რათა ვირუსის გავრცელება შეაჩერონ.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა. წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: