აშშ-სგან მხარდაჭერილი ერაყის სამხედრო ძალები მოსულის სამხრეთით, აეროპორტის მიმართულებით იმ მიზნით დაიძრნენ, რომ ე.წ. ისლამურ სახელმწიფოზე თავდასხმები კიდევ გააძლიეროს. ინფორმაციას Reuters ავრცელებს.

ერაყის ძალების კოალიციის ერთ-ერთმა ნაწილმა, რომლებიც ISIS-ის წინააღმდეგ სპეცოპერაციას ატარებენ, მოსულის სამხრეთით მდებარე ქალაქი ჰამამ-ალალი 8 ნოემბერს აიღეს. სამხედროები ამბობენ, რომ თავდასხმების განხორციელებას ჩრდილოეთითაც გეგმავენ, სადაც მოსახლეობა ისლამისტების კონტროლის ქვეშ ორი წელია ცხოვრობს.

მას შემდეგ, რაც მოსულის აღების ოპერაციიდან 3 კვირა გავიდა, ქალაქი აშშ-სგან მხარდაჭერილი დაახლოებით 100 ათასი სამხედრო პირით არის გარშემორტყმული, მაგრამ სამხედრო ძალებმა მხოლოდ ქალაქის აღმოსავლეთი ნაწილიდან შესვლა შეძლეს.