მოსკოვში სავალდებულო თვითიზოლაციის რეჟიმი გამოცხადდა. სააგენტო meduza-ს ინფორმაციით, აღნიშნული რეჟიმი 30 მარტიდან ამოქმედდება.

მათივე ინფორმაციით, ნებადართულია უახლოეს მაღაზიასა და აფთიაქში წასვლა, ცხოველის გასეირნება და ნაგვის გადაყრა. ასევე, მოსკოვის მცხოვრებლებს შეეძლებათ საცხოვრებელი სახლის დატოვება გადაუდებელი სამედიცინო საჭიროების შემთხვევებში.

შეზღუდვა არ შეეხება ტრანსპორტის გადაადგილებას, მათ შორის საკუთარი მანქანებით. აკრძალული არ არის ქალაქში შესვლა-გამოსვლა.

ბოლო მონაცემებით, რუსეთში კორონავირუსით ინფიცირების შემთხვევაა 1 534 დადასტურებული, გარდაცვლილია 8 ადამიანი.