გორის საკრებულოს ყოფილი წევრი ქართული ოცნებიდან და რაიონის ყოფილი გამგებელი იოსებ მუმლაძე დაკავებულია. ამის შესახებ ინფორმაცია ქართლის ამბებმა გაავრცელა.

პროკურატურის პრესსამსახურში აცხადებენ, რომ იოსებ მუმლაძეს ბრალი წაყენებული აქვს თაღლითობის მუხლით.

მუმლაძე ამ ეტაპზე წინასწარ პატიმრობაში იმყოფება. დამატებითი დეტალები ამ ეტაპზე უცნობია. წინასწარი ინფორმაციით, მას მოქალაქეებმა მშენებლობასთან დაკავშირებული თანხების მითვისების ფაქტზე უჩივლეს.

იოსებ მუმლაძე 2021 წლიდან 2024 წლამდე საკრებულოში წარმოდგენილი იყო ქართული ოცნებიდან, ხოლო 2004-05 წლებში — რაიონის გამგებელი იყო.