დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

კორონავირუსის გავრცელების პრევენციისთვის ფოთის ორივე შესასვლელში ბლოკ-პოსტები მოეწყობა. ამის შესახებ სამეგრელო-ზემო სვანეთის სახელმწიფო რწმუნებულმა, ალექსანდრე მოწერელიამ განაცხადა.

მისივე თქმით, ბლოკ-პოსტები მოეწყობა ზუგდიდის შესასვლელშიც.

"ჩვენი მედიკოსების მიერ ყოველ წუთს ხდება მოწოდება, რომ ეპიდემიისგან ერთადერთი ყველაზე უსაფრთხო გადარჩენა არის სახლში ჯდომა. ვინაიდან ეს მოწოდება ყველამ ყურად ვერ იღო, ამდენად აღსრულების ნაწილში ჩვენ ვამკაცრებთ ზომებს. რაც შეეხება ბლოკ-პოსტებს, ფოთში, შესასვლელში, გასასვლელში, საპოლიციო ძალებით მოეწყობა", — განაცხადა მოწერელიამ.

ზუგდიდში ჯერ ერთი დადასტურებული შემთხვევაა, თუმცა ელოდებიან რაოდენობის ზრდას.

ამ დროისთვის საქართველოში კორონავირუსის 90 დადასტურებული შემთხვევაა. მათგან 18 უკვე გამოჯანმრთელდა. კარანტინის რეჟიმში იმყოფება 4717 ადამიანი, ხოლო სტაციონარში მეთვალყურეობის ქვეშ — 268.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: