ბრიტანეთის ჯანდაცვისა და სოციალური დაცვის სახელმწიფო მდივანს, მეტ ჰენკოკს კორონავირუსი დაუდასტურდა. ამის შესახებ მეტ ჰენკოკმა ტვიტერზე ვიდეო გამოაქვეყნა.

ჰენკოკის თქმით, მედიკოსებმა ურჩიეს, რომ ტესტი გაეკეთებინა, რამაც დადებითი პასუხი აჩვენა.

"საბედნიეროდ ჩემი სიმპტომები არაა მძიმე და მე ვაგრძელებ სახლიდან მუშაობას, იზოლაციაში", — ამბობს ის.

დღეს, 27 მარტს კორონავირუსი დაუდასტურდა ბრიტანეთის პრემიერს-მინისტრს, ბორის ჯონსონს. ამის შესახებ ინფორმაცია მანაც თავად გაავრცელა.

"ბოლო 24 საათის განმავლობაში მსუბუქი სიმპტომები გამომივლინდა და კორონავირუსის ტესტმა დადებითი შედეგი აჩვენა. ახლა თვითიზოლაციაში ვარ, მაგრამ გავაგრძელებ მუშაობას ვიდეოკონფერენციების მეშვეობით. ჩვენ ერთად დავამარცხებთ ამას", — წერს ბორის ჯონსონი ტვიტერის გვერდზე.

25 მარტს დიდი ბრიტანეთის სამეფო ტახტის მემკვიდრეს, 71 წლის უელსის პრინც ჩარლზს კორონავირუსი დაუდასტურდა. სამეფო ოჯახის განცხადებით მას სუსტი სიმპტომები აქვს და თავს კარგად გრძნობს.

დიდი ბრიტანეთის გაერთიანებულ სამეფოში 11 816 ინფიცირებულია, კორონავირუსით კი უკვე 580 ადამიანი გარდაიცვალა. ქვეყანაში COVID-19-ის შემთხვევების მზარდი რიცხვის გამო ქვეყანაში მკაცრი ზომები შემოიღეს. მოქალაქეებს სახლების დატოვება მხოლოდ გადაუდებელი აუცილებლობის პირობებში შეეძლებათ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: