განათლების სამინისტროს განცხადებით, ერთიან ეროვნულ გამოცდებზე რეგისტრაციის ვადა გახანგრძლივდა, თუმცა გამოცდების ჩატარების თარიღი უცვლელია. მათი ინფორმაციით, ეროვნული გამოცდებისათვის, საერთო სამაგისტრო გამოცდისა და სტუდენტთა საგრანტო კონკურსისათვის რეგისტრაცია 30 აპრილის 18 საათამდეა შესაძლებელი.

მათივე ცნობით, თუ აპლიკანტს გამოცდის დროს ესაჭიროება სპეციალური პირობების/სპეციფიკური საგამოცდო გარემოს შექმნა და მან რეგისტრაციისას მონიშნა ან მონიშნავს შესაბამის გრაფას, ჯანმრთელობის მდგომარეობის შესახებ შესაბამისი ცნობა (ფორმა №100) 16 აპრილის ნაცვლად, 30 აპრილის 18 საათამდე უნდა წარადგინოს.

უწყების განცხადებით, მოქმედებენ კორონავირუსთან დაკავშირებით მოქმედი საკოორდინაციო საბჭოს რეკომენდაციების შესაბამისად და ნებისმიერ ცვლილებაზე ინფორმაციას გაარცელებენ.

გარდა ამისა, სამინისტროში აღნიშნავენ, რომ ღია კარის დღეების ონლაინ რეჟიმში მართავენ და აბიტურიენტებს ყველა კითხვაზე პასუხის მიღება ცენტრის ოფიციალურ ფეისბუქ გვერდზე ყოველ ოთხშაბათს, 13:00 საათიდან 16:00 საათამდე შეუძლიათ. ასევე, 24 საათიან რეჟიმში მუშაობს ცენტრის ცხელი ხაზი.