საგარეო საქმეთა სამინისტროს ინფორმაციით, კორონავირუსის გამო გადაადგილებაზე დაწესებული შეზღუდვების შედეგად საფრანგეთსა და ესპანეთში დარჩენილი საქართველოს მოქალაქეები საცხოვრებლით და პირველადი საჭიროების პროდუქტებით უზრუნველყვეს.

სამინისტროში ამბობენ, დახმარება გაეწიათ ადამიანებს, რომლებიც ნებაყოფლობით დაბრუნების პროგრამაში იყვნენ ჩართულნი, ასევე, მათ, ვინც საელჩოს ცხელ ხაზზე მიმართა. საგარეო საქამეთა სამინისტროს განცხადებით, დახმარება გაეწიათ ქართველ სტუდენტებსაც, რომლებსაც რეისების მოძეიება და ესპანეთიდან გამგზავრება სურდათ.

"საელჩო და გენერალური საკონსულო მუდმივ კავშირზე რჩება კორონავირუსით ინფიცირებულ საქართველოს მოქალაქეებთან, შეძლებისდაგვარად უწევს დახმარებას და ახდენს მათ კომუნიკაციას მედიკოსებთან კონსულტაციის გაწევის მიზნით", — ნათქვამია განცხადებაში.

სამინისტროს ინფორმაცით, საქართველოს მოქალაქეებისთვის განკუთვნილი ადგილსამყოფელის ხარჯებს საქართველოს საელჩოები საკუთარი სახსრებით ანაზღაურებენ.

23 მარტს ცნობილი გახდა, რომ მთავრობის განკარგულებით, საქართველოს ავიახაზები 2 კვირის განმავლობაში მსოფლიოს 6 ქალაქიდან ჩამოიყვანს მგზავრებს. მთავრობის მოთხოვნით, ბილეთის ფასი არ უნდა აღემატებოდეს €199-ს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: