ბრიტანეთი კორონავირუსის გავრცელების თავიდან ასაცილებლად მკაცრს ზომებს იღებს. ამის შესახებ ინფორმაციას საერთაშორისო მედია ბრიტანეთის პრემიერ მინისტრზე, ბორის ჯონსონზე დაყრდნობით ავრცელებს. შეზღუდვები სამი კვირის განმავლობაში იმოქმედებს.

"ვირუსის შესაჩერებლად ეროვნული მცდელობის გარეშე, დადგება მომენტი, როცა ჯანდაცვის სისტემა მას ვეღარ გაუმკლავდება. აღარ გვექნება საკმარისი სასუნთქი აპარატები, საწოლები, საკმარისი ექიმები და ექთნები", — თქვა ბორის ჯონსონმა.

ჯონსონის განმარტებით ადამიანებს სახლის დატოვება მხოლოდ შეზღუდული მიზნებისთვის შეეძლებათ:

  • გადაუდებელი აუცილებლობის პროდუქტის შესაძენად;
  • რაც შეიძლება იშვიათად გარეთ გასვლა სავარჯიშოდ, სარბენად, ველოსიპედით სასეირნოდ თუ სხვა;
  • სამედიცინო საჭიროების შემთხვევაში;
  • გამგზავრება სამუშაოდ ამ სამსახურისთვის მხოლოდ გადაუდებელი აუცილებლობის შემთხვევაში, თუ ისეთი საქმის გაკეთება გიწევთ, რომელიც სახლიდან ვერ სრულდება.

ჩერდება სასწავლო დაწესებულებები და არ ჩატარდება გამოცდები, გარდა ამისა, ბავშვები არ უნდა დატოვონ მოხუცებთან და ბებია-ბაბუებთან, რომლებიც რისკჯგუფში არიან. ბორის ჯონსონი არ გამორიცხავს, რომ საჭიროების შემთხვევაში ლონდონი ჩაიკეტოს. იკრძალება თავშეყრის ადგილები, თეატრი, კინო და სხვა მსგავსი დაწესებულებები კი იხურება.

მისი თქმით, მთავრობის მიერ გაცემული წესები და რეკომენდაციები ყველა მოქალაქემ უნდა დაცვას, წინააღმდეგ შემთხვევაში პოლიციას უფლება ექნება წესის დამრღვევები დააჯარიმოს.

ბრიტანეთში კროონავრისუსით 104 ადამიანი გარდაიცვალა და 2 626 დაინფიცირდა.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა. წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: