იზოლაციის წესების დარღვევისთვის საფრანგეთში პოლიციამ ოთხი ათასზე მეტი ადამიანი დააჯარიმა. ამის შესახებ ინფორმაციას ინფორმაციას FRANCE24 საფრანგეთის შინაგან საქმეთა მინისტრზე დაყრდნობით ავრცელებს.

მინისტრის თქმით, იზოლაციის წესების დარღვევისთვის გუშინ ჯარიმა 35 ევრო იყო, დღეს 135 ევროა და შესაძლოა, 375 ევრომდე გაიზარდოს.

"ეს უნდა იყოს ხალხის შემაკავებელი ფაქტორი. ჩვენი მიზანია დავიცვათ ფრანგი ხალხი და ამისთვის საუკეთესო გზა სახლში დარჩენაა", — განაცხადა მინისტრმა.

კორონავირუსის პანდემიის გამო საფრანგეთში 17 მარტიდან მოქალაქეებს გადაადგილება შეეზღუდათ. იზოლაციის წესების დაცვას პარიზში ათასობით სამართალდამცველი აკონტროლებს.

ბოლო მონაცემებით, საფრანგეთში კორონავირუსით ინფიცირების 9134 შემთხვევაა დაფიქსირებული, ვირუსით გარდაცვლილთა რიცხვი კი 264-ია.

11 მარტს ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: