საქართველოს პრეზიდენტი გიორგი მარგველაშვილი რუსთავი 2-ის ეთერში აცხადებს, რომ მიუხედავად იმისა, რომ არჩევნები დემოკრატიულად ჩატარდა, ადგილი ჰქონდა დარღვევებს, რომლებიც ბევრად ადრე დაიწყო:

"არჩევნები ჩატარდა დემოკრატიულ სტანდარტების მიხედვით. ჩვენ ვიცით, რომ იყო დარღვევები, რომლებიც დაიწყო არა არჩევნების დღეს, ცოტა უფრო ადრე ამოვარდა ქვეყანა საარჩევნო რიტმიდან".

მარგველაშვილის თქმით, მან არაერთხელ გააკრიტიკა კორცხელში მომხდარი ძალადობა და 8 ოქტომბერს, ჯიხაშკარში მომხდარი ინციდენტიც. მისი თქმით, ამაზე პასუხისმგებლები ის პარტიები იყვნენ, რომლებსაც თავიანთ მხარდამჭერებისთვის ძალადობისგან თავის შეკავებისკენ უნდა მოეწოდებინათ.

პრეზიდენტმა დასძინა, რომ საპარლამენტო არჩევნების დღეს, რიგ ძალადობრივ გამოვლენინებებს, საერთო სურათი არ შეუცვლია.