დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

25-28 მარტს დაგეგმილი თბილისის ჯაზ ფესტივალი გადაიდო. ისთერნ პრომოუშენსის განცხადებით, გადაწყვეტილება ფესტივალში მონაწილე ვარსკვლავებთან შეთანხმებით მიიღეს.

მათი განცხადებით, უკვე მიმდინარეობს მოლაპარაკებები ახალი თარიღების შესათანხმებლად. მათივე თქმით, ფესტივალზე დასასწრები გაყიდული ბილეთები ძალაში რჩება.

ფესტივალში მონაწილეობდნენ: 5 გრემის ჯილდოს მფლობელი, ჯაზ-ვოკალისტი — დაიან რივსი, ჯაზის ლეგენდები — კენი ბარონი, დეივ ჰოლანდი, ჯონათან ბლეიქი.

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: