ჩინეთმა კორონავირუსის წინაღმდეგ დასახმარებლად იტალიას ექიმები და სამედიცინო აღჭურვილობა გაუგზავნა. ამის შესახებ ინფორმაციას დასავლური მედია ავრცელებს. მათივე ინფორმაციით, რაც კორონავირუსის ინფექციის გავრცელებამ ჩინეთში იკლო, ოფიციალურმა პეკინმა სამედიცინო პერსონალის ევროპაში გაგზავნის გადაწყვეტილება მიიღო.

როგორც ჩინეთის საგარეო საქმეთა სამინისტროში აცხადებენ, რომ ჩინელი ექიმები მზად არიან თავიანთი გამოცდილება იტალიელ კოლეგებს გაუზიარონ.

ჩინეთის მიერ სამედიცინო პერსონალის გაგზავნას გამოეხმაურა იტალიის საგარეო საქმეთა მინისტრი, ლუიჯი დი მაიაო და განაცხადა, რომ იტალიაში ის ექიმები ჩავლენ, რომლებიც ჩინეთში კორონავირუსის ინფექციის პირველი აფეთქების დროს მუშაობდნენ.

“ჩვენს ექიმებს არ სჭირდებათ იმის სწავლა, თუ როგორ აკეთონ საკუთარი საქმე, თუმცა ჩინელი ექიმები პირველები იყვნენ, რომლებიც ვირუსს გაუმკლავდნენ და ახლა თავიანთ გამოცდილებას გაზიარება შეუძლიათ", — განაცხადა ლუიჯი დი მაიომ.

მსოფლიოში კორონავირუსის 124 000-ზე მეტი შემთხვევაა დადასტურებული და 4 600-ზე მეტი ადამიანი გარდაიცვალა. ინფექცია ყველაზე მეტად გავრცელებულია:

  • ჩინეთი — დადასტურდა 80 980 შემთხვევა და დაიღუპა 3 136 ადამიანი;
  • იტალია — 12 462 შემთხვევა, დაიღუპა 827 ადამიანი;
  • ირანი — 9 000 შემთხვევა, გარდაიცვალა 354 ადამიანი;
  • სამხრეთ კორეა — 7 869 დაიღუპა 66 ადამიანი;
  • საფრანგეთი — 2 269 შემთხვევა, დაიღუპა 48 ადამიანი;
  • ესპანეთი — 2 140 შემთხვევა, დაიღუპა 49 ადამიანი.

მსოფლიო ჯანდაცვის ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად გამოაცხადა. პანდემია ეწოდება ეპიდემიას, რომელიც გეოგრაფიულად განსაკუთრებით ფართო არეალში ვრცელდება, მაგალითად, რამდენიმე კონტინენტზე ან მთელი მსოფლიოს მასშტაბით.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: